ياخشىمۇسىز-IT ساھەسىدىكىلەرنىڭ مۇلاھىزە ۋە باھا سورۇنى

مىكروسوفت Windows 8 نىڭ يېڭى ماركىسىنى ئېلان قىلدى

ITBOY — Sat, 18 Feb 2012 04:38:42 +0000

مىكروسوفت Windows 8 قا ئائىت يېڭى نەرسىلەرنى توختىماي ئېلان قىلىۋاتىدۇ.بۈگۈن مىكروسوفت Windows 8 نىڭ يېڭى Logo ماركىسىنى ئېلان قىلدى،بۇ قېتىمقى لايىھە ئىلگىركىلىرىگە ئانچە ئوخشاش ئەمەس.يېڭى Logo ماركىسىدىن قارىغاندا،لايىھەدە پەقەت بىر خىللا رەڭ ئىشلىتىلگەن.يېڭى لايىھەلەنگەن Metro ئىشلەتكۈچىلەر كۆرۈنمە يۈزىگە كۆرىنەرلىك ھالدا ماسلاشقان.مىكروسوفتنىڭ ئىشلەتكۈچىلەر قولايلىقى تەجرىبىخانىسىنىڭ رەئىسى Sam Moreau بىلوگىدا تونۇشتۇرۇپ مۇنداق دېدى: بۇ خىل لايىھە ئادەمگە بىر خىل تېز ۋە مودا تۇيغۇ بېرىدۇ.

مىكروسوفتنىڭ ئۆتمۈشتىكى ماركىلىرىغا نەزەر:

Windows 1.0

Windows 3.1

Windows XP

Windows Vista

جاڭ چۈنشىيەن قارلۇققا زىيارەتكە كەلدى

ITBOY — Fri, 17 Feb 2012 17:32:32 +0000

شىنجاڭ ئۇيغۇر ئاپتونۇم رايونىنىڭ شۇجىسى جاڭ چۈنشىيەن مۇشۇ ئاينىڭ 3-كۈنى قارلۇق شىركىتىگە زىيارەتكە بارغان.بۇ جاڭ چۈنشىيەن شۇ كۈنى زىيارەت قىلغان ھازىرقى زامان كومپىيۇتېر تېخنىكىسى مۇلازىمىتى بىلەن شۇغۇللىنىدىغان تۆت شىركەتنىڭ بىرى.

زىيارەت ئاخىرلاشقاندىن كېيىن قارلۇق شىركىتىنىڭ CEO سى پەخىردىن قارلۇق جاڭ چۈنشىيەننى بىر خىزمەت سۇپىسىغا تەكلىپ قىلىپ،ئۇنىڭغا مەزكۇر شىركەت لايىھەلىگەن جاڭ چۈنشىيەننىڭ 2D ۋە 3D پورتىرىت لايىھەسىنى كۆرسەتتى.بۇ زىيارەتكە بارغان ھەممەيلەننىڭ قىزىقىشىنى قوزغىدى.جاڭ چۈنشىيەن بۇ پورتىرىتنىڭ ئۈستىگە ئىمزا قويۇپ بەردى.جاڭ چۈنشىيەننىڭ ھەجۋىي رەسىمى سوۋغا قىلىندى.

جۇڭگو يانفون تورىنىڭ سۆرئىتى دۇنيادا كەينىدىن سانىغاندا ئىككىنچى ئىكەن

ITBOY — Fri, 17 Feb 2012 16:55:06 +0000

جۇڭگو كەڭ بەلباغ تورىنىڭ سۆرئىتى ئاستا،باھاسى يۇقۇرىلىغى ئاخبارات ۋاستىلېرىدە ئاشكارلانغاندىن كېيىن،يەنە بەزى خەلقئارالىق نۇپوزلۇق تەشكىلاتلارنىڭ دوكىلاتلېرىدا جۇڭگو يانفون تورى سۆرئىتىنىڭ دۇنيادا پەقەت ھىندىستاننىڭلا ئالدىدا ئىكەنلىكى،يەنە دۇنيا بويىچە كەينىدىن سانىغاندا ئىككىنچى ئىكەنلىكىنى كۆرسىتىلدى.
GSMA(دۇنيا كۆچمە خەۋەرلىشىش جەمىيىتى)نىڭ بۈگۈن ئېلان قىلغان دوكلاتىدا كۆرسىتىلىشىچە،يانفون تورى سۆرئىتى ئەڭ ئاستا بولغان ئىككى دۆلەت ھىندىستان ۋە جۇڭگو بولۇپ،بۇنىڭ ئەكسىچە كورىيە،ئاۋسترالىيە ۋە يېڭى زىللاندىيىگە ئوخشاش ئاسىيا تىنچ ئوكيان رايونىدىكى بەزى دۆلەتلەرنىڭ يانفون تورىنىڭ سۆرئىتى نىسبەتەن تېز بولغان.2010-يىلىغا قەدەر ھىندىستان ۋە جۇڭگو يانفون تورىنىڭ ئوتتۇرىچە ئۇلىنىش سۆرئىتى ئايرىم-ئايرىم ھالدا19KBPSۋە50KPBSبولغان.ياپونىيە ۋە كورىيىنىڭ بولسا1400KBPSقا يەتكەن.

ئەمما ھازىر جۇڭگو ۋە ھىندىستان يانفون تورىنىڭ تەرەققىياتى ئىنتايىن تېز بولۇپ، GSMAبۇ ئىككى دۆلەت يانفون تورىنىڭ كەلگۈسىگە ئۈمىد بىلەن قارايدىغانلىقىنى بىلدۈرگەن. GSMAيەنە ھازىرقى تەرەققىيات ئەھۋالى بويىچە بولغاندا 2015-يىلىغا بارغاندا ھىندىستان ۋە جۇڭگونىڭ يانفون تورى سۆرئىتى1037 KBPSۋە 1384KBPSكە يېتىشى مومكىنكەن.ئەمما شۇ ۋاقىتقا بارغاندىمۇ يەنىلا باشقا دۆلەتلەرنىڭ خېلىلا كەينىدە قېلىشى مومكىنكەن،مەسىلەن:شۇ ۋاقىتقا بارغاندا كورىيىنىڭ 4984KBPSكە،ئاۋسترالىيە ۋە يېڭى زىللاندىيىنىڭ 5194KBPSكە يېتىشى مۆلچەرلىنىۋېتىپتۇ.
GSMA نىڭ دوكلاتىغا قارىتا بەزى ئالاقىدار ئەرباپلار باشقىچە قاراشتا بولغان.ئۇلارنىڭ قارىشىچە جۇڭگو تېخى2009-يىلى3G كەسپىنى يولغا قويغان،3G كەسپىنى ئىشلىتىدىغانلار بولسا پەقەت2011-يىلىغا كەلگەندە ئاندىن كۆرۈنەرلىك كۆپەيگەن،شۇڭا 2010-يىللىق دوكلات جۇڭگو يانفون تور سۆرئىتىنىڭ ئەھۋالىنى ئەينەن ئەكس ئەتتۈرۈپ بېرەلمەيدۇ دەپ قارىغان.

نۆۋەتتە جۇڭگو يانفون تورىنىڭ سۆرئىتى يانفون سۆرئەتلىك فىلىم تور بەتلېرىنىڭ تەرەققىياتىغا توسقۇنلىق قىلۋاتقان ئەڭ چوڭ ئامىل بولۇپ،مەلۇم سۆرئەتلىك فىلىم تورىنىڭ بىر يۇقىرى دەرىجىلىك ئەمەلدارىنىڭ ئېيتىشىچە،نۆۋەتتە جۇڭگو يانفون سۆرئەتلىك فىلىم تور بەتلېرىنىڭ تەرەققىيات سۆرئىتى ئىنتايىن ئاستا بولۇپ،بۇنىڭ ئاساسلىق سەۋەبى يانفون تور سۆرئىتىنىڭ ئومۇميۈزلۈك ئاستا بۇلىشى ۋە ھەق ئۆلچىمىنىڭ يۇقىرى بۇلىشى قاتارلىقلار ئىكەن.گەرچە ھازىر يانفون سۆرئەتلىك فىلىم تور بازىرى ئورتاق ھالدا“ئالتۇن كەسىپ“دەپ قارىلىۋاتقان بولسىمۇ،ئەمما قىسقا مۇددەت ئىچىدە بۆسۈش ھاسىل قىلىش يەنىلا تەسكەن.

مەنبە: ئىزدىنىش

ئالىملار مېڭىدىكى ئۇچۇرلارنى «زاپاسلاپ»،ھەقىقىي ئاۋانتار بەرپا قىلماقچى

ITBOY — Thu, 16 Feb 2012 19:35:57 +0000

ئېگىلىنىشىچە ئامېرىكا ئالىملىرى نۆۋەتتە مېڭىدىكى ئۇچۇرلارنى زاپاسلاپ ھەقىقىي ئاۋانتار بەرپا قىلىش ئۈچۈن تەتقىقات بىلەن شۇغۇللىنىۋىتىپتۇ.ئالىملارنىڭ ئەڭ باشتا تەتقىق قىلىدىغان مۇھىم نىشانى مەلۇم بىر ئادەمنىڭ چوڭ مېڭىسىدىكى ئۇچۇرلارنى كومپىيۇتېرغا زاپاسلىۋىلىش.ئەگەر سىز بۇ تەتقىقاتنىڭ تەجرىبە بويۇمى ھېسابلانسىڭىز ئۇنداقتا مېڭە ئۇچۇرلىرىڭىز زاپاسلانغاندىن كېيىن سىز ئالىملارنىڭ ياردىمىدە سانلىق مەلۇمات ئارقىلىق ياسالغان «قوشكېزىكىڭىز» گە ئېگە بولىسىز. گۆش تېنىڭىز ئالەمدىن ئۆتسىمۇ،بىراق سىزنىڭ سانلىق مەلۇمات قوش كېزىكىڭىز يەنى سىزنىڭ ئاۋانتار كومپىيۇتېر نۇسخىڭىز بۇ ئالەمدە ياشاۋىرىدۇ،دىمەكچى مېڭە ئۇچۇرلىرىڭىز گۆش تېنىڭىزنىڭ ئۆلۈپ كېتىشى بىلەن بىللە تۈگەپ كەتمەيدۇ.سىزنىڭ «سانلىق مەلۇماتلىق چوڭ مېڭىڭىز» سىزگە تەقى تۇرقى ئوخشاپ كېتىدىغان ماشىنا ئادەمگە كۆچۈرىلىدۇ.سىزنىڭ گۆش تېنىڭىز سېسىپ چىرىپ كەتسىمۇ بىراق ماشىنا ئادەم نۇسخىسىدىكى ئاۋانتارىڭىز يەنىلا سىزنىڭ ئەۋلادلىرىڭىز بىلەن بولغان پىكىر ئالماشتۇرۇشىڭىزنى ئەمەلگە ئاشۇرالايدۇ.

خەنسېن شىركىتى ئادەمگە ئوخشىتىلىپ ياسىلىدىغان ماشىنا ئادەملەرنى ئىشلەپ چىقىرىدۇ.بۇ شىركەت ئاللىقاچان « ئاپوللو چوڭ مېڭى پىلانى» نى ئوتتۇرىغا قويۇپ بولدى.2019-يىلى ئادەمگە ئوپمۇ-ئوخشاش تەقى تۇرۇقلۇق ئاۋانتار نۇسخسىدىكى ئەقلىي ئىقتىدارلىق ماشىنا ئادەم ياساپ چىقماقچى.

iPad مال جاھازىسىدىن ئېلىۋىتىلىشى ياكى زور تۆلەم تۆلىشى مۇمكىن

ITBOY — Thu, 16 Feb 2012 19:11:03 +0000

جوڭگودا ناھايىتى تېز سېتىلىۋاتقان iPad تاختا كومپىيۇتېرى كۆپ قىسىم جايلاردا مال جاھازىسىدىن چۈشۈرۈۋىتىش تەقدىرىگە دۇچار بولىۋاتىدۇ.نەچچە كۈن ئاۋۋال خېبىي شىجۇاجۇاڭدىكى كۆپلىگەن ئالما مەھسۇلاتلىرىنى سېتىش ئىجازەتنامىسىگە ئېرىشكەن دۇككانلار ئارقا-ئارقىدىن iPad2 نى مال جاھازىسىدىن چۈشۈردى.

ئىچكى زاتلارنىڭ بىلدۈرىشىچە ئەگەر ئالمىنىڭ مەھسۇلاتى بولغان iPad ماركا ھوقۇقىغا دەخلى-تەۋرۇز قىلىندى دەپ بېكىتىلسە ئۇنداقتا ئالما شىركىتى «ئاسمانپەلەك» باھادا تۆلەم تۆلىشى مۇمكىن ئىكەن.

بىرىنجى سوت iPad ماركىسى ئالما شىركىتىنىڭ ئېگىدارچىلىقىدا ئەمەس دەپ قارار قىلدى.

iPad نىڭ ماركا ھوقۇقى ماجىراسى

ITBOY — Thu, 16 Feb 2012 18:52:44 +0000

تاراتقۇلارنىڭ خەۋىرىگە قارىغاندا، ئالما شىركىتىنىڭ ماركا ھوقۇقىغا دەخلى قىلىش دېلوسى يەنىمۇ مۇنازىرە قوزغىغان، پۈتۈن مەملىكەتتىكى نۇرغۇن شەھەرلەردىكى سودا-سانائەت مەمۇرىي باشقۇرۇش تارماقلىرى ئالما مەھسۇلاتلىرىنى تەكشۈرۈشكە كىرىشكەن ھەم سودا ئورۇنلىرىدىن ئالما مەھسۇلاتلىرىنى مال جاھازىسىدىن چۈشۈرۈۋېتىشنى تەلەپ قىلغان. خېبېي ئۆلكىسى شىجياجۇاڭ شەھىرىدىكى بىر چوڭ ئېلېكتىرون شەھەرچىسىدە، دۇكان خوجايىنى ئايپاد ئىككىنى ئالماقچى بولسىڭىز، ئامبارغا بېرىپ ئېلىشىڭىز كېرەك، پۇكەيدە مال يوق، چۈنكى شەھىرىمىزدىكى سودا-سانائەت مەمۇرىي باشقۇرۇش تارماقلىرى ئايپاد ئىككىنى مال جاھازىسىدىن ئېلىۋېتىشنى تەلەپ قىلدى دېدى. بۇ زادى قانداق ئىش؟

ئالما مەھسۇلاتلىرىنىڭ بۇ ئىشىنى يەنىمۇ ئىنچىكىلەپ تەكشۈرۈپ كۆرگەندە، بۇلتۇرنىڭ ئاخىرى ۋېيگۈەن پەن-تېخنىكا شېنجېن چەكلىك شىركىتىنىڭ ئامېرىكا ئالما شىركىتىنىڭ ماركا ھوقۇقىغا دەخلى قىلىشى ئۈستىدىن ئەرز قىلىشىغىچە سۈرۈشكە بولىدۇ، ئەينى چاغدا شېنجېن شەھەرلىك ئوتتۇرا خەلق سوت مەھكىمىسى 1-سوتتا ھۆكۈم چىقارغاندىن كېيىن، ئالما شىركىتى دەۋادا ئۇتتۇرۇپ قويدى، لېكىن ئالما شىركىتى يەنىلا قايىل بولماي، نارازىلىق ئەرزى سۇندى. نۆۋەتتە دېلو تەكشۈرۈش ئىچىدە تۇرماقتا. مۇشۇنداق بولغان تەقدىردىمۇ، ۋېيگۈەن پەن-تېخنىكا شېنجېن چەكلىك شىركىتى نۇرغۇن شەھەرلەردىكى سودا-سانائەت مەمۇرىي باشقۇرۇش تارماقلىرىغا ئەرز قىلدى، مەسىلەن: بېيجىڭ شەھىرى شىچىڭ رايونى سودا-سانائەت مەمۇرىي باشقۇرۇش شۆبە ئىدارىسى ئەرز تاپشۇرۇۋالدى ھەم دېلو تۇرغۇزۇپ قاراپ چىقىپ، ئالما شىركىتىنىڭ ماركا ھوقۇقىغا دەخلى قىلىش ئىشىنى تەكشۈرۈشكە باشلىدى. ماتېرىيالدىن ئايان بولۇشىچە، تەيۋەن ۋېيگۈەن خەلقئارا شىركىتىگە قاراشلىق ۋېيگۈەن تەيبېي شىركىتى 2001-يىلىدىن تارتىپ ئامېرىكىدىن باشقا نۇرغۇن دۆلەت ۋە رايوندا ئايپاد ماركىسىنى ئايرىم-ئايرىم رويخەتكە ئالدۇرغان؛ ئالما شىركىتى بىلەن ماركا ھوقۇقى ماجىراسى يۈز بەرگەن شېنجېن ۋېيگۈەن شىركىتى 2001-يىلى جۇڭگودا ئايپاد ماركىسىنى رويخەتكە ئالدۇرغان، بۇنىڭ بىلەن شېنجېن ۋېيگۈەن شىركىتى رويخەتكە ئالدۇرۇشقا خېلى بۇرۇنلا تۇتۇش قىلغان. ئالما شىركىتىنىڭ نارازىلىق ئەرزىدە ئۇتۇپ چىقىش-چىقالماسلىقىغا ھازىرچە بىر نېمە دېگىلى بولمايدۇ، بىراق كەسىپ ساھەسىدىكىلەرنىڭ پەرىزىچە، ئالما شىركىتى ۋېيگۈەن شىركىتى بىلەن سوتنىڭ سىرتىدا يارىشىپ، بەلگىلىك راسخوت بىلەن ئايپادنىڭ ماركا ھوقۇقىنى سېتىۋېلىشى مۇمكىن ئىكەن، بەزى خەۋەرلەردە، بۇ سودىدا، ئالما شىركىتى ئون مىليارد يۈەن تۆلىشى مۇمكىن دېيىلدى. لېكىن ھازىر ۋەزىيەتتە جىددىي بۇرۇلۇش بولغان، ۋېيگۈەن شىركىتى بېيجىڭ شەھەرلىك سودا-سانائەت مەمۇرىي باشقۇرۇش ئىدارىسىدىن ئالما شىركىتىنىڭ ماركا ھوقۇقىغا دەخلى قىلىش ئۈستىدىن جەرىمانە قويۇشنى بىۋاسىتە تەلەپ قىلدى ھەم شاڭخەي پۇدۇڭ يېڭى رايونلۇق سوت مەھكىمىسىگە ئىلتىماس سۇنۇپ، ئالما شىركىتىدىن ئايپاد ماركىسىنى داۋاملىق ئىشلىتىش، ئايپادنى سېتىشنى توختىتىشنى تەلەپ قىلدى.

ئاددىي قىلىپ ئېيتقاندا، شېنجېن ۋېيگۈەن شىركىتى ئالما شىركىتىنىڭ نارازىلىق ئەرزىدىن ئاخىرقى نەتىجە چىقمىغان ئەھۋالدا، 1-سوتتىكى ئۇتۇققا تايىنىپ، سودا-سانائەت مەمۇرىي تارماقلىرىنىڭ ئايپادنى تەكشۈرۈشىنى ئىلتىماس قىلىشى قانۇنغا ئۇيغۇنمۇ-ئەمەسمۇ؟ مەركىزىي خەلق رادىيو ئىستانسىسى ئىقتىساد ئاۋازى قانىلىنىڭ ئالاھىدە تەكلىپلىك ئوبزورچىسى، جۇڭگو خەلق ئۇنىۋېرسىتېتى بىلىم مۈلۈك ھوقۇقى ئىنستىتۇتىنىڭ مۇدىرى، پىروفېسسور ليۇ چۈنتيەن بۇ ھەقتە توختالدى. ئالما شىركىتى شېنجېن ۋېيگۈەن شىركىتىنىڭ ئايپاد ماركىسىنى رويخەتكە ئېلىش ھوقۇقىغا دەخلى قىلدىمۇ-يوق؟ بۇ ھەقتە ئالما شىركىتىنىڭ نارازىلىق ئەرزىنىڭ نەتىجىسى چىققاندىن كېيىنكى يەكۈنگە قاراپ بېقىشقا توغرا كېلىدۇ، لېكىن شېنجېن ۋېيگۈەن شىركىتى بېيجىڭ، شاڭخەي قاتارلىق جايلاردىكى سودا-سانائەت مەمۇرىي باشقۇرۇش تارماقلىرىغا ئىلتىماس سۇنۇپ، ئالما شىركىتىدىن ئايپاد ماركىسىنى ئىشلەتمەسلىكنى تەلەپ قىلدى، بۇ خىل ئۇسۇل قانۇنغا ئۇيغۇنمۇ-ئەمەسمۇ؟ ليۇ چۈنتيەننىڭ قارىشىچە، ۋېيگۈەن شىركىتىنىڭ ئىلتىماسىدا ئورۇنسىز تەرەپلەر يوق ئىكەن، سودا-سانائەت مەمۇرىي تارماقلىرىنىڭ قانداق بىر تەرەپ قىلىشىغا كەلسەك، بۇنى ھۆكۈمەت تارماقلىرى قارار قىلىدىكەن. لېكىن نۆۋەتتە ماركا ھوقۇقىغا دەخلى قىلىشتىن ئىبارەت بۇ دېلو ھەققىدە ئاخىرقى يەكۈن چىقىرىلىشتىن بۇرۇن، جازالاش ياكى مال جاھازىسىدىن چۈشۈرۈۋېتىش ھەرىكىتى سەل ئالدىراپ قالغانلىق بولىدىكەن.

مەنبەسى:نۇر تورى

توردا پويىز بېلىتى سېتىۋىلىش (2)

ITBOY — Thu, 16 Feb 2012 18:26:49 +0000

بىكىتىمىزگە ئىلگىرى «توردا پويېز بېلىتى سېتىۋىلىش (1)» ناملىق تېما يوللانغان ئىدى.بۈگۈن بۇ توغرىلىق يەنە داۋاملاشتۇرىمىز.كۆرسەتمە رەسىملەر كىچىكرەك،ئەگەر چوڭايتىپ كۆرمەكچى بولسىڭىز رەسىمنى چەكسىڭىز بولىدۇ.تور كۆرگۈچىڭىز چوقۇم IE بولسۇن.

دىققەت مەشخۇلات جەريانىدا مائۇس ئارقىلىق چېكىلىدىغان جايلار قىزىل كاتەكچە ئىچىگە ئېلىندى.تەپسىلىي كۈزىتىڭ.

توردا پويېز بېلىتى زاكاس قىلىشنىڭ بىرىنجى قەدىمى – ھېسابات نۇمۇرى ئىلتىماس قىلىش

كىملىكىڭىزنىڭ باشقىلار تەرىپىدىن تىزىملىتىلىپ كېتىشىنىڭ ئالدىنى ئېلىش ئۈچۈن ھازىر مەيلى بېلەت سېتىۋىلىڭ ياكى سېتىۋالماڭ،پويېز بېلىتىگە ئىھتىياجىڭىز بولسىلا تېزدىن جوڭگو تۆمۈر يول ئېدارىسى مۇلازىمەت مەركىزىنىڭ تور بېكىتىگە چىقىپ،ئۆزىڭىزگە تەۋە بىر ھېسابات نۇمۇرى ئىلتىماس قىلىۋىلىڭ. تور بېكەت ئادرىسى :http://www.12306.cn .مەزكۇر توربېكەتنى ئېچىپ سول تەرەپكە قارىسىڭىز خەنزۇچە سېتىۋىلىش دىگەن خەتنى كۆرىسىز ( قىزىل كاتەك بىلەن دائىرىگە ئېلىغلىق يەر شۇ):

ئاندىن ئېچىلغان بەتتىن ئوڭ تەرەپتىكى تىزىملىتىش «注册» دىگەن جاينى باسىمىز.

كېيىنكى قەدەمدە «مۇلازىمەت ئەھدىنامىسى» نى ئوقۇپ يۈرمەيلا «قوشۇلىمەن» نى بېسىڭ.سەل ئىنچىكە ئىش قىلىدىغان بىكار ئادەم بولسىڭىز ئوقۇپ قويسىڭىزمۇ بولىدۇ.

ئەمدى ھالقىلىق نۇقتىغا كەلدۇق.كېيىنكى قەدەمدە سېستىما تەلىپى بويىچە شەخسىي ئۇچۇرلىرىمىزنى تولۇق تولدۇرىمىز.يەنى كىملىك نۇمۇرى ،ھەقىقىي ئىسىم،تېلفون نۇمۇرى قاتارلىقلار. ئارقىسىغا « * » بەلگىسى قويۇلغان جايلارنىڭ ھەممىسى چوقۇم تولدۇرۇشقا تېگىشلىك مەزمۇنلار،تولدۇرغاندا دېققەت قىلىڭ.

ئەگەر سىز كېينكى باسقۇچقا ئۆتەلمەي قالسىڭىز ئۇنداقتا بۇ سىزنىڭ كىملىك ئۇچۇرلىرىڭىزنىڭ ئاللىقاچان تىزىملىتىلىپ بولۇنغانلىقىنى ئىسپاتلايدۇ. ئورگان تەرەپنىڭ مۇشۇ خىلدىكى ئىشلارغا بەرگەن تەكلىپى،ئۇرۇق تۇغقان ياكى دوستىنىڭ كىملىكىنى ئىشلىتىپ تىزىملىتىش دەپ ئۇقتۇرۇلغان.بىراق ئۇلار بىلەت ئالغاندا قانداق قىلىدۇ،ئۇلارمۇ باشقا دوستىنىڭ كىملىك ئۇچۇرىنى ئارىيەتكە ئالامدۇ؟ مۇشۇ يەردە بىر چاتاق بار.

توردا پويېز بېلىتى زاكاس قىلىشنىڭ ئىككىنجى قەدىمى – ھېسابات نۇمۇرى ئاكتىپلاشتۇرۇش

باياتىن تىزىملاتقاندا تولدۇرغان ئىلخەت ساندۇقىڭىزنى ئاچسىڭىز،12306 دىن ئېلخەت كەلگەنلىكىنى كۆرىسىز،بۇ يوللانمىنى ئېچىپ يوللانما ئارىسىدىكى ئۇلىنىشنى چەكسىڭىز،ھېسابات نۇمۇرىڭىز ئاكتىپلىشىدۇ.

تۆۋەندىكىدەك ئاگاھلاندۇرۇش چىقىپ قالسا كارىڭىز بولمىسىمۇ بولىدۇ.بۇ خىل ئۈنۈمسىز ئېلېكتۇرۇنلۇق ھۆججەت جوڭگودا بەكلا جىق،بۇنىڭغا ئامال يوق..

تۆۋەندىكىدەك ئەسكەرتىش چىقسا ئاكتىپلاشتۇرۇشنىڭ ئوڭۇشلۇق بولغانلىقىنى بىلدۈرىدۇ.ھېسابات نۇمۇرىڭىزنى نورمال ئىشلىتەلەيسىز.

كىرىش بېتى

ئاخىرى داۋاملىق يوللىنىدۇ.

Google نى پارچە-پارچە قىلىۋىتىش

ITBOY — Tue, 14 Feb 2012 09:51:23 +0000

يېقىندا Twitter دىكى بىر تورداش گوگېل ئىزدەش ماتورىغا “google gravity” دىگەن سۆزنى كىرگۈزۈپ «ئامېتىم بار ئوخشايدۇ» كونۇپكىسىنى چەككەندە گوگېلنىڭ پارچە – پارچە بولۇپ كەتكەنلىكىنى،باش بەتتىكى ھەربىر بۆلەكنى مائۇس ئىستىرىلكىسى بىلەن تۇتۇپ خالىغانچە ئوينىغىلى بولىدىغانلىقىنى بايقىغان.

تەھرىردىن : بۇنىڭغا قىزىقسىڭىز سىزمۇ سىناپ بېقىڭ،ئۇسۇلى ئاۋۋال گوگېلنىڭ باش بېتىنى ئاچىسىز،ئاندىن ئىزدەيدىغان يەرگە google gravity نى كىرگۈزىسىز،ئاندىن «手气不错» دىگەن كونۇپكىنى باسىسىز.كىرگەندە ئۈستىدىكى رەسىمگە ئوخشاش چۇۋۇلۇپ كەتكەن Google باش بېتى چىقىدۇ،ئاۋايلاپ يۈرۈپ ئىزدەش ئورنىغا مۇناسىۋەتلىك ھالقىلىق سۆزنى يېزىپ ئىزدىسىڭىز،نەتىجە بېتىمۇ چۇۋۇق پېتى چىقىدۇ.

Google گە بۇ يەرنى بېسىپ كىرىڭ ( تور كۆرگۈچىڭىز IE 6 بولسا بۇ ئۈنۈمنى كۆرىمەن دەپ ئاۋارە بولماڭ)

نىمە ئۈچۈن iOS نىڭ يېڭى نەشرىنى شۇ ھامانلا ئىشلەتكىلى بولىدۇ،Android ئۇنداق ئەمەس

ITBOY — Sun, 12 Feb 2012 05:17:05 +0000

ئەگەر ئالما بۈگۈن iOS 8.0 نى تارقاتسا بۈگۈنلا بۇ يېڭى نەشىرنى ئىشلەتكىلى بولىدۇ،كۆپىنچە ئەھۋاللاردا چاتاق چىقمايدۇ.ئەگەر Google بۈگۈن Android 8.0 نى ئېلان قىلسا Android ئابونتلىرىنىڭ قاتتىق دېتال سەپلىمىسى گەرچە Android 8.0 نى پۈتۈنلەي قوللىسىمۇ بىراق بۇ يېڭى سېستىمىنى ئىشلىتىش ئۈچۈن بىر نەچچە ئاي ، يېرىم يىل ھەتتا ئۇنىڭدىنمۇ ئارتۇق ۋاقىت ساقلاشقا توغرا كېلىدۇ.

ئالمىنىڭ iOS نى يېڭىلاش تەرتىپىنى ئاددى قىلىپ تۆۋەندىكىدەك چۈشەنسەك بولىدۇ:

يېڭى سېستىما ھەرقايسى كۆچمە تىجارەت سودىگەرلىرىنىڭ تەستىقلىنىشىغا سۇنىلىدۇ ھەمدە مۇناسىۋەتلىك بەلگىلىمىلەر بويىچە ئۆزگەرتىلىدۇ — يېڭى سېستىما ئېلان قىلىنىدۇ — ئىشلەتكۈچىلەر يېڭىلانمىنى چۈشۈرىدۇ.

ئەمما Google باشقا بىر يولدا ماڭىدۇ:

Google ئەڭ يېڭى Android سېستىمىسىنى ئېلان قىلىدۇ — سامسوڭ،HTC،موتورولا قاتارلىق يانفون ئىشلەپچىقىرىش سودىگەرلىرى كەلگۈسىدە ئۆزىنىڭ قايسى يانفونىنىڭ بۇ يېڭى سېستىمىنى قوللايدىغانلىقىنى ئېلان قىلىدۇ — بۇ يانفون ئىشلەپچىقىرىش سودىگەرلىرى Android نى ئۆزىنىڭ قاتتىق دېتال سەپلىمىسىگە ئاساسەن ئۆزگەرتىش ئېلىپ بارىدۇ ( ئاڭلاشلارغا قارىغاندا بۇ بەك مۈشكۈل باسقۇچ ئىكەن) — يانفون ئىشلەپچىقىرىش سودىگەرلىرى بىر تەرەپ قىلغان يېڭى سېستىمىسىنى ھەرقايسى كۆچمە تىجارەت سودىگەرلىرىنىڭ تەستىقلىنىشىغا سۇنىدۇ ھەمدە مۇناسىۋەتلىك بەلگىلىمىلەر بويىچە ئۆزگەرتىدۇ — ئىشلەتكۈچىلەر يېڭىلانمىنى چۈشۈرىدۇ.

بۇنداق نەتىجە Android يېڭى سېستىمىسىنىڭ ھەقىقىي تۈردە ئىشلەتكۈچىلەرگە يۈزلىنىش ۋاقتىنى ئۇزارتىۋىتىدۇ.ئالدىنقى يىلى Android سېستىمىلىق يانفون پادىشاھى سامسوڭ Galaxy S II سامسوڭ شىركىتى تەرىپىدىن Android 4.0 كۆتۈرگىلى بولىدىغانلىقىنى ئېلان قىلىنغان بولسىمۇ،بىراق ھازىرغىچە ئەمەلىيلەشمىگەن.

iOS پەقەت iPhone,iTouch,iPad قاتارلىق بىر نەچچىلا ئۈسكىنىگە ماس كىلىدۇ،بىراق Google نىڭ Android سېستىمىسى نۇرغۇنلىغان يانفونلارنىڭ ئاساسلىق مەشخۇلات سېستىمىسى.ئەلۋەتتە بۇ نۇرغۇن يانفونلارنىڭ يېڭى سېستىمىغا كۆچۈشى ئۈچۈن كېتىدىغان ۋاقىتمۇ ئۇزۇن بولىدۇ.

Android سۇپىسىدا يېڭى خىل ۋىرۇس بايقالدى

ITBOY — Sun, 12 Feb 2012 04:32:05 +0000

ئامېرىكىدىكى بىر ئۇنۋېرسىتىتنىڭ پروففىسورىنىڭ ئېيتىشىچە،گەرچە Android Market يېڭىچە بولغان بىخەتەرلىك سېستىمىسى Bouncer نى قوللانغان بولسىمۇ،بىراق خاككىرلار يەنىلا ئامال قىلىپ بۇنىڭدىن ئەگىپ ئۆتۈپ،Android ئابونتلىرىنىڭ شەخسىي ماتىرىيالىنى ئوغۇرلىغان.بۇ پروففىسورنىڭ يېتەكچىلىكىدىكى تەتقىقات گورۇپپىسى يېقىندا Rootsmart ناملىق ناچار خاھىشلىق يۇمشاق دېتال بايقىغان بولۇپ،قۇللانغان ۋاستىسى ناھايىتى ۋەھشىي،يۇمشاق دېتالدا ناچار كودلار بولمىغانلىقى ئۈچۈن Bouncer بۇنى بايقىيالمىغان.

بۇ ناچار يۇمشاق دېتالنى يانفونغا قاچىلىغاندىن كېيىن،بىر نەچچە سائەت ئىچىدە ئاپتۇماتىك قوزغىلىدىغان پروگراممىسى قوزغىلىدىكەن.ھەمدە مۇلازىمىتىردىن root ھوقۇقىغا ئېرىشەلەيدىكەن GingerBreak كودىنى چۈشۈرىدىكەن.قىسقا ئۇچۇر،سۆزلىشىش خاتىرىسى،SD كارتىدىكى ئارخىپ ماتىرىيالى ۋە شەخسىي ماتېرىياللار خاككىرلارنىڭ ئوۋ نىشانىغا ئايلىنىدىكەن.ھەتتا سۆزلەشكەن ئاۋازنىمۇ نازارەت قىلغىلى بولىدىغان ئۈچىنجى تەرەپ يۇمشاق دېتالىمۇ ئۈن-تىنسىز ھالدا قاچىلىنىپ كېتىدىكەن.

ياخشى بولغان يېرى بۇ ناچار يۇمشاق دېتال تېخى Android Market قا چىقىرىلمىغان.بۇ يۇمشاق دېتال پەقەت جوڭگودىكى ئۈچىنجى تەرەپ يۇمشاق دېتال بازارلىرىغا كەڭ تارقالغان،شۇڭا كۆپچىلىك يۇمشاق دېتال چۈشۈرگەندە ھۇشيارلىقىمىزنى ئۆستۈرىشىمىز لازىم.